गुरुवार, २७ मे, २०१०

॥ श्री ॥
मुळ नक्षत्र आणि उपनयन संस्कार मुहूर्त

काल एक उपनयन संस्काराची पत्रिका आली. म्हणजेच मुलाच्या मुंजेसाठी आमंत्रण आले होते. पत्रिका पाठवणारे वेदसंपन्न पुरोहित आहेत. उपनयन सस्कांराचा मुर्हूत दिनांक ३० मे २०१० सकाळी १०.११ मिनिटाचा नाशिक येथे आहे. मी काही पत्रिका पाहीली नाही. रात्री घरी आलो व आमच्या सौभाग्यवतींना म्हटले तुला नाशिकला श्री शंकराच्या दर्शनाला जायचे आहे ना? चल आपली दोन दिवसाची सोय झाली ( म्हणजे फ़ुकटात नव्हे ) अजयच्या भाच्याची मुंज आहे. अजयने आपल्यासाठी राहाण्याची व्यवस्था केली आहे. आमच्या सौभाग्यवतींना व मुलगा ( वैभव ) यास आनंद झाला. चला मे २०१० चा शेवट गोड होत आहे. पत्नी व मुलानी एका स्वरात मला सांगितले ३० मे २०१० रोजी सकाळी आपल्या विभागात मतदान आहे. मतदान सकाळी उरकून आपण लगेच प्रवासाला निघूया. सवयी प्रमाणे मुलाने पंचाग आमच्या सौभाग्यवतींच्या हाती दिले आणि म्हटले मातोश्री लागा कामाला. आणि आमच्या सौभाग्यवतींने पंचग उघडले आणि मोठा चमत्कारीक आवाजात म्हटले अहो त्यादिवशी “मूळ” नक्षत्र आहे. ह्या लोंकानी हा कसा मैजिबंधनाचा ( उपनयन संस्काराचा ) मुहुर्त काढलेला आहे तो मुहूर्त चूक की बरोबर आहे. ह्या विषयी मला पहिल्यादा माहिती द्या? आम्ही लागलो कामाला.

ज्योतिषशास्त्रानुसार जेष्ठा व मुळ नक्षत्रावर जन्म झाल्यास ज्योतिषाला ह्या नक्षत्राबद्दल अधिक माहिती लोंक विचारीत असतात. त्यासंबंधी अनुभवाच्याद्वारे व ग्रंथ साह्याने माहिती देत आहे. ह्या पध्दतीला भारतीय परंपरा आहे.

मुळ नक्षत्र हा प्रामुख्याने जननदोषा करता आहे असे सर्व लोंकाचे गृहीत आहे.

मूलाद्यपादे पिंतर निहन्याद्‌ द्वितीयेक मातरमाशु हन्ति । तृतियके वित्त विनाशक: स्वाच्चुतुर्थके समुपैति सौख्यम्‌ ॥

अर्थ :- मूळ नक्षत्राच्या प्रथम चरणी जन्म असता बापाचा व द्वितीय चरणी मातेचा नाश होतो. तृतीय चरणी संपत्तीचा नाश होतो व चतुर्थ चरणी सुखी होतो. त्याप्रमाणे वाचनात अलेल्या माहीती प्रमाणे मूळ नक्षत्राच्या सर्व घटी १५ नी विभागाव्यात व खालीलप्रमाणे प्रत्येक विभागाचे फ़ल पहावीत.

१. बापाचा मृत्यू, २. चुलत्याचा मृत्यू, ३. बहिणीच्या नव-याचा मृत्यू ४. वडिलांच्या बापावा मृत्यू, ५. मातेचा मृत्यू, ६. मावशीचा मृत्यू, ७. मामाचा मृत्यू. ८. चुलतीचा मृत्यू, ९. सर्वनाश, १०. पशुनाश, ११. नोकराचा मृत्यू, १२ जन्मलेले बालक स्वत:मरते, १३. जेष्ठ भांवडाचा मृत्यू १४. बहिणीचा मृत्यू, १५ आईचा वडील मृत्यू पावतात.

काही ग्रंथकरांच्या मते मूळ हा वृक्ष मानून त्याचे चार भाग करतात. पहिला भाग वृक्षाचे मूळ घरास नाशकारक, दुसरा भाग स्तंभ, धननाश व मातेला वाईट, तिसरा भाग वृक्षाच्या फ़ांद्या – पित्याला वाईट, चौथा भाग वृक्षपत्रे – परिवारास वाईट.

मूळ नक्षत्र वास व फ़ल :- फ़ाल्गुन, जेष्ठ, वैशाख, मार्गशिर्ष ह्या महिन्यात मूळ नक्षत्र पाताळी असते. आषाढ, आश्विन, माघ व भाद्रपद ह्या महिन्यात मूळ नक्षत्र मूळ नक्षत्र स्वर्गी असते. श्रावण, कार्तिक, चैत्र, पौष ह्या महिन्यात मूळ नक्षत्र मृत्यू लोकांत असते. स्वर्ग आणि पाताळ ह्या ठिकाणी मूळ नक्षत्र असता जन्मलेले मूल शुभकारक व मृत्यूलोकी असता अशुभकरक जाणवे. तृतिया षष्ठी, दशमी शुध्द चतुर्दशी ह्या तिथीस आणि शनिवार व मंगळवार ह्या दिवशी मूळ नक्षत्रावर जन्मलेले मूल कुलाचा उच्छेद करते असे शास्त्रात म्हटले आहे.

मूळ नक्षत्र जनन दोषापवाद :- नाशिकचे प्रसिध्द जुन्या काळातील ज्योतिषी कै. यज्ञेश्वर गोविंद घोलप यांनी व्यवहार ज्योतिष ह्या पुस्तकात अस अपवाद दाखविला आहे. अश्विनी, भरणी, कृत्तिका मृग, आर्द्रा, पुनर्वसू, हस्त, चित्रा, स्वाती, रेवती जेष्ठा ह्या नक्षत्रांवर सूर्य संचार करीत असता मूळ नक्षत्रावर जन्मलेल्या अर्भकापासून अरिष्टाची भीती नसते.

परिहार :- मूळ नक्षत्रावर जन्म झाल्यास १२ व्या दिवशी पित्याने मूळ नक्षत्र शांती करावी.

सर्वारंभ मुहूर्त :- कोणत्याही कार्याचा प्रारंभ करताना आपल्य जन्मकुंडलीतील बारावे आणि आठवे स्थान शुद्ध असणे आवश्यक आहे. या दोन स्थानी कोणताही ग्रह असू नये. जन्मराशीतून तिसरे, सहावे, दहावे व अकरावे लग्न असेल आणि त्यावर शुभ ग्रहाची दृष्टी असेल व शुभ ग्रह युक्त असेल, चंद्र जन्मराशीपासून तिसरा, सहावा, दहाव, किंवा अकरावा असेल तर कोणतेही कार्य प्रारंभ करावे त्यात यश निश्चित मिळते, असे ज्योतिषशास्त्र म्हणते.

जन्मकुंडलीप्रमाणे व उपनयन संस्कार व लग्नाच्या गोचरी ग्रहाप्रमाणे :- व्यय स्थानात शुक्र व केतु आहेत. तसेच त्यावर षष्ठ स्थानात कुंभ रास आहे, कुंभेचा राशीस्वामी शनिच्या राशीत मंगळ धनिष्ठा स्वत:च्या नक्षत्रात (३) चरणात असून त्याची दृष्टी व्ययात आहे. त्याच प्रमाणे जन्म राशी पासून चंद्र गोचरीचा त्यादिवशी सातवा आहे. चंद्र उपनयन संस्काराच्या लग्नाच्या वेळी धनुराशीत मुळे नक्षत्रच्या (४) चरणात केतूच्या नक्षत्र आहे. त्यामुळे येथे ही एक चूक झाली आहे.

सर्वार्थसिध्दि योग:- खालील वारांच्या पुढे लिहलेले नक्षत्र असल्यावर “सर्वर्थसिध्दियोग” बनतो. कोणतेही महत्त्वपूर्ण कार्य करण्यासाठी हा योग अत्यंत शुभ व यशदायक असतो. असे ज्योतिषशास्त्रातील विव्दान लोंक म्हणतात.

रविवार :- हस्त, मूळ, उत्तराषाढा, उत्तराभाद्रपदा, उत्तराफ़ाल्गुनी, पुष्य, अश्विनी.
सोमवार :- श्रवण, रोहिणी, मृगशीर्ष, पुष्य, अनुराधा.
मंगळवार :- अश्विनी, उत्तरभाद्रपदा, कृत्तिका, आश्लेषा.
बुधवार :- रोहिणी, अनुराधा, हस्त, कृत्तिका, आश्लेषा.
गुरुवार :- रेवती, अनुराधा, अश्विनी, पुनर्वसू, पुष्य.
शुक्रवार :- रेवती, अनुराधा, अश्विनी, पुनर्वसु, श्रवण.
शनिवार :- श्रवण, रोहिणी, स्वाती.

( रविवारी सर्वार्थसिध्दि योग मूळ नक्षत्र असल्याने त्यांनी हा मुहूर्त धरला तर नसेल ना? )

ज्योतिषशास्त्रात नक्षत्रांना फ़ार महत्व आहे. गोचर भ्रमणामुळे एखादा ग्रह जन्मकुंडलीच्या शुभ स्थानातून भ्रमण करीत असेल तरीसुध्दा तो शुभ किंवा अनुकूल फ़ळ देईलच असे नाही. कोणत्या नक्षत्रातून किंवा मूळचा ग्रह भ्रमण करीत आहे हे पाहणे अनिवार्य आहे. असे केल्यानेच फ़लितात सूक्ष्मता व अचूकता येईल.

दैनंदिन मुहूर्त किंवा दिवस चांगला आहे की वाईट हे पाहण्यासाठी सुध्दा या पध्दतीचा उपयोग यशस्वी ठरतो. एखाद्या दिवसाचा चंद्र तुम्हाला अनुकूल आहे परंतु त्या दिवसाचे नक्षत्र तुमच्या जन्मनक्षत्रानुसार अनुकूल फ़लदायक नसेल तर एकटा चंद्र संपूर्ण दिवसभार शुभदायक फ़ले देणार नाही म्हणून नक्षत्र गोचर फ़ार महत्वाचे आहे.
जन्मसंपद्वित्क्षेम: प्रत्वद: साधकस्थ । नैश्वतो मित्रवर्ग इच परमो मैत्र एवच ॥

जन्मनक्षत्रापासून १, २, ४, ६, ८, ९, १०, ११, १३, १५, १७, १८, १९, २०, २१, २४, २७ हि अठरा नक्षत्रे फ़लदायक आहेत. आपल्या जन्मनक्षत्रापासून विपदकर, प्रत्वर, नैश्वन या सदरात येणारी नक्षत्रे अनिष्ट किंवा अभुभ फ़ले देतात. तसेच जन्म उत्पत्तिकर, संपतकर क्षेत्रकर, साधक, मैत्री, परमैत्री ही इष्ट नक्षत्रे अनुकूल व शुभफ़ले देतात.

जन्मनक्षत्रापासून तिसरे, पाचवे, सातवे, बारावे, चौदावे, सोळावे, एकविसावे तेवीसावे व पंचवीसावे ही ९ नक्षत्रे अनिष्ट फ़लदायी असतात.

आता विचार करा की या प्राख्यत कर्मकांड करण्या-या स्वत:ला शास्त्र माहित असलेल्या जाणकारानी हा मुहूर्त का निवडला बरे. ह्याचा परिणाम काय घडेल ह्या बालकाचा ह्यात काय दोष आहे.

जातकाचा जन्म दिनांक ०३/१२/२००१ जन्मवेळ रात्री ०१:३० डोंबिवली (महा.) बालकाचे नाव अर्थव

जातकाच्या जन्म आर्द्रा नक्षत्रात झालेला आहे. आर्द्रा नक्षत्राला मूळ नक्षत्र हे प्रत्त्वर १४ वे नक्षत्र येत आहे. त्या मुळे हे नक्षत्र १४वे आहे. मला वाटते कि हा आर्द्रा नक्षत्राचा घोटाळा मोजण्यात किंवा प्रिंटिंगची चुक असलेल्या संदर्भात होऊन चुकुन हा १४ च्या ऐवजी १५ फ़लदायी म्हणून त्यांनी धरला असावा.

जन्म लग्न कुंडली प्रमाणे मौजिबंधन लग्न कुंडली प्रमाणे
लग्न कन्या ०१.१२.४५ उत्तरा-फ़ा.(२) लग्न कर्क १२.१९.४३ पुष्य (३)

कन्या लग्नाचा स्वामी बुध तृतिय स्थानात वृश्चिक राशीत १५.४०.५५ अनुराधा नक्षत्राच्या ३ चरणात राशी स्वामी मंगळ आणि अनुराधाचा नक्षत्र स्वामी मंगळ.

मौजिबंधन लग्नाप्रमाणे वृश्चिक रास पंचमात व बुधाची मिथुन रास व्ययात शुक्र व केतुयुक्त जातकाच्या पत्रिकेत चतुर्थस्थानातील केतु धनुच्या (गुरु) मुळ नक्षत्रात द्वितीय चरणात, आणि मौजिबंधन लग्नाच्या कुंडलीत व्ययात मिथुन राशीत आर्द्रा (राहू) चतुर्थ चरणात येत आहे. जातकाला मोक्ष प्राप्तिसाठी हा मौजिबंधंनाचा योग महत्वपूर्ण आहे.

उपनयन कुंडली लग्न कर्क राशीत १२.१९.४३ पुष्य नक्षत्राच्या (३) चरणात येत आहे. कर्क राशीचा स्वामी चंद्र हा षष्ठात प्लुटो व राहू युक्त आहे. धनुराशीचा चंद्र ११.१२.३४ मूळ नक्षत्राच्या चतुर्थ चरणात राहूयुक्त असून व्ययातील शुक्राची व केतुची सप्तम दृष्टी त्यावर आहे. तसेच गोचरीप्रमाणॆ चंद्र हा उपनयन लग्नाच्या वेळी सप्तमात म्हणजेच जातकाच्या चतुर्थस्थानात धनु राशीत येत आहे. शास्त्राप्रमाणे ३, ६, १०, ११ वा गोचरीचा चंद्र लाभ कारक ठरतो. पण येथे गोचरीचा चंद्र सप्तमात आहे.

उपनयन संस्काराच्यावेळी केंद्रात फ़क्त एक बुध ग्रह आहे. तो पण दशमात मेष राशीत भरणी नक्षत्राच्या (३) चरणात भरणी नक्षत्राचा स्वामी शुक्र व्ययात. लग्नकालीन केतूची विशोत्तरी महादशेच्या अतंरदशेत शनिची दशा सुरु आहे. तसेच लग्न कुंडलीत राहूच्या अंतरदशेत रवि दशा सुरु आहे. लग्न कुंडलीत राहु दशमात चंद्र व गुरुयुक्त आहे. कुंडलीच्या दशमात बुधाची मिथुन रास असून बुध तृतियस्थानात शुक्र, रवि, प्लुटो युक्त आहे.


हा सर्व सामान्य नियम आहे,

अर्थव यास ०३/१२/२००१ ते २०/०४/२०१३ पर्यंत राहूची विशोत्तरी दशा आहे. सध्या राहूच्या अतंरदशेत ०७/११/२००९ पासून शुक्राची अतंरदशा सुरु आहे दशेचे वर्णन खालील प्रकारचे दिले आहे. त्या प्रमाणे त्यांच्या पिताश्रीनी त्याचा उपनयन चा कार्यक्रंम दिनांक ३० मे, २०१० रोजी का बरे ठरवीला आहे?

राहूमध्ये रवि १० महिने २४ दिवस ही आंतरदशा येताच धनवृध्दि, परदेशगमन, शासनाकडून लाभ होणार आहे. ( विमाची रक्कम किंवा त्तसम फ़ायदा मिळेल ). ०७/११/२००९ ते ०२/१०/२०१० पर्यंत रवि.

राहूमध्ये चंद्र १ वर्ष ६ महिने या आंतरदशेमध्ये कलह, बंधुवियोग, धनप्राप्ति, अनंत लाभ, सुख व सुविधा यांची प्राप्ति होते. ह्या काळात कोर्टाकचेरीमध्ये जाऊ नये गेल्यास नुकसान होईल ०२/१०/२०१० ते ०२/०४/२०१२ चंद्र.

राहूमध्ये मंगळ १ वर्ष १८ दिवस ही आंतरदशा येताच नाना प्रकारे उपद्रव,कमतरता, मानसिंक चिंता, अडीअडचणी, स्मरणशक्तिचा –हास, परिक्षेमध्ये अपयश, पदावनती होणार आहे, सुगीच्या काळात पैसै जमा करावेत. ०२/०४/२०१२ ते २०/०४/२०१३ मंगळ.

कन्या :- लग्नाच्या पंचमात मकर राशी येत. तिचा अधिपती म्हणून हर्षल ग्रह आहे; पण प्लुटो- नेपच्यूनप्रमाणेच हर्षलला स्वतंत्र दशा नसल्याने जवळचे कारकत्व शनिमध्ये असल्याने शनि व भाग्येश शुक्र यांचे संबंध कुंडलीत चांगली असावयास हवे.

कन्या लग्नाचा भाग्येश ग्रह शुक्र आहे. तसेच तो धनेशही आहे. यामुळे शुक्राची दशा कन्या लग्नाला सर्वात चागंली जाणारी असते. शुक्राच्या खालोखाल कन्या लग्नाचा दशमेश बुध असल्याने व तो लग्नेश असल्याने बुधाची दशासुध्दा कन्या लग्नाला चांगली जाते. मात्र हे दोन्ही ग्रह मूळ कुंडलीत सुस्थितीत असावे लागतात. या ग्रहांना शक्यतो राशीगत बल व नवमांश बल यांपेकी काहीतरी असावे लागते. तसेच हे दोन्ही ग्रह अर्थवची मनस्थिती ठरविण्यात महत्वाचा वाटा उचलत असल्याने ज्या प्रमाणात ते मूळ कुंडलीत शुभ आहेत. त्याप्रमाणात त्यांचे फ़ल जातकाला त्यांच्या दशाकालात अथवा इतर ग्रहांच्या बुध-शुक्राची युतीच्या अंतर्दशा चांगली जाते. कन्या लग्नाचा अष्टमेश मंगळ आहे म्हणून या ग्रहाची दशा कन्या लग्नाला सर्वसाधारण्पणे चांगली जात नाही. पण हा मंगळ कुंडलीत भावबली व चांगल्या नवमांशात असता या ग्रहाची दशा सुध्दा चांगली जाते अर्थव च्या कुंडलीत नवमांश मंगळ दशमात आहे. आरोग्याच्या दृष्टीने जरी या मंगळाचा त्रास जातकाला होईल, पण उत्कर्षाच्या दृष्टीने मात्र हा मंगळ जातकाला सातत्याने पुढे नेण्याचाच प्रयत्न करेल. कन्या लग्नाला मारकेश गुरु असल्याने मीन राशीच्या अधिपती नेपच्यून असून दशेमध्ये सुखस्थानाचाही अधिपती आहे. यामुळे गुरुची महादशा कन्या लग्नाला चांगली जात जाईल, पण हे अर्धसत्य आहे. हा गुरु मूळ कुंडलीत दशमात आहे.. गुरु हा आध्यात्मिक ग्रह असल्याने स्वत:च्या संसारात त्या जातकाची तेवढी समरसता दिसून येणार नाही. पण आर्थिक आणि भौतिक प्रगती चांगली असल्याचे दिसून येईल. कन्या लग्नाला चंद्र हा लाभेश आहे. चंद्राच्या अंमल माणसाच्या मनावर असतो. शरीरातील रक्तभिसरण, शरीरातील पाणी, चयापचय संस्था यावरही चंद्राचा अंमल असतो. हा चंद्र कन्या लग्नाचा षष्ठाचा-षष्ठ स्थानाचा अधिपती झाल्याने आरोग्यजातकाच्या दृष्टीने सर्वात महत्वाचा ठरतो.

टिप:- माझ्या मते दशमातील राहूची दशा सध्या सुरु आहे. त्यानतंर गुरुची दशमातील दशा सुरु होणार आहे. गुरु + राहू ( गुरु (वक्रि) मिथुन राशीत २०.१९.३६ अंशावर पुनर्वसू नक्षत्राच्या प्रथम चरणात तर राहू (व) ०४.०१.३४ मृग नक्षत्राचा (४) चरणात आहे ) गुरु + राहू जर का एका राशीत असले तर तो चांडाळ योग होतो.) दशमातील चांडाळ योग हा जातकाला चांगला नाही असे ज्योतिषशास्त्रात म्हटले आहे. पण दोघाचा राशी स्वामी एक आहे; गुरु व राहू मिथुन राशीत आहे, त्यामुळे त्याचे स्वामी एक आहेत. पण नक्षत्र स्वामी वेगवेगळे आहेत. गुरु चे नक्षत्र पुनर्वसू व त्याचा स्वामी गुरु व राहूचे नक्षत्र मृग त्याचा स्वामी मंगळ आहे. आता गुरु व मंगळ युध्दास प्रारंभ झाला आहे. ह्याचे गोष्टीचे विश्लेषण मी या ठिकाणी करणार नाही.

अशुभ दृष्टी :- जो ग्रह अशुभ दृष्टीने युक्त असतो त्याचे दशेत संततिबाधा, अग्निभय, ताबेदारी, मातापित्यापैकी कोणाचा तरी मृत्यू, पैशाची नुकसानी वगैरे गोष्टी संभवतात.

फ़लदेश पाहताना दशांचा फ़लादेश विचारात घेणे जरुर आहे. त्याच वेळी ग्रहावरील सूक्ष्म स्थिती लक्षात घेतली पाहिजे. त्याचबरोबर प्रत्येक ग्रहाचे उच्च नवांश, नीच नंवाश, पाप षष्ठांश, चेष्टाबळ, वगैरे स्थिती पाहिली पाहिजे. त्यानुसार निर्णायकफ़ल घेतले पाहिजे, म्हणजे भविष्य तंतोतंत खरे येते.

• दशमेशाच्या दशेत धनप्राप्ति होऊन राजमान्यता वाढते. त्या प्रमाणे दशमात राहू असल्याने जातकासा राजमान्यता प्राप्त झाली आहे. दशमेची दशा सध्या सुरु आहे.
• गोचर रविच्या नक्षत्रापासून जातकाचे नक्षत्र २६ वे रोहिणी आहे. त्यामुळे जातकास हे चांगले नाही.
• आचार्य गर्ग यांच्या मतानुसार चंद्रस्थित नक्षत्रापासून जातकाचे जन्मनक्षत्रची स्थिती १४ वी असल्याने हा मुहूर्त शुभ व ह्रदयात असल्याने दांपत्यसुखासाठी चांगला म्हणून धरला आहे का?.
• तसेच चंद्र नक्षत्रापासून जन्मनक्षत्रापर्यंत १३ ते १८ मधील नक्षत्रामध्ये येत असल्याने ते जातकाच्या हातावर पडत आहे. हातावर नक्षत्र पडल्यामुळे जातकाला धनलाभ मिळण्याची शक्यता धरुन हा मुहूर्त काढला तर नसेल ना?
• मंगळ-नक्षत्र गोचर फ़ल:- राशी गोचर प्रमाणॆच आचार्य गर्ग आणि लल्ल यांनी मंगळाच्या नक्षत्रा विषयी काही विश्लेषण केलेले आहे. तसेच महर्षि गर्ग यांच्या मते मंगळ स्थित नक्षत्रापासून जन्म नक्षत्रापर्यंत गणती सुरु करावे. तसेच आचार्य गर्ग यांच्या मते गोचर मंगळाच्या नक्षत्रापासून आपले जन्म नक्षत्र जेथे पडेल त्याप्रमाणे फ़लित समजावे.
१. १ ते ३ मुखात रुचकर भोजन, सुख्य
२. ४ ते ७ राजसन्मान, प्रतिष्ठा प्राप्ती ( जातकाचे मंगळ गोचर ह्या नक्षत्रात आहे )
३. ८ ते ११ बाहुत या पैकी ८,९ उजव्या हातात- यशदायक.
अशी अशुभ फ़ले १० ते ११ ( डाव्या हातात-
रोगकारक,त्रासदायक, अनिष्ठफ़ल).
४. १२ ते १३ गळ्यात उचकी लागणॆ, चिंताकारक.
५. १४ ते १८ ह्रदयात धनलाभ, आर्थिक स्थितीत सुधारणा
६. १९ ते २१ पायात भ्रमण प्रवास.

याप्रमाणे गोचरीचा मंगळ हा जन्मनक्षत्रापासून पाचवा प्रत्यरी मद्या नक्षत्राच्या (१) चरणात आहे. तसा मंगळ षष्ठस्थानाचा वाईट फ़ले देत नाही तो शत्रुला नामोहरण करत असतो. गोचरीचा मंगळ द्वितीय धनस्थानाचा अधिपती केतूच्या मद्या नक्षत्रात नेपच्यूच्या दृष्टीत आहे. दशमातील राहुच्या दशाफलाप्रमाणे राहु दशमात रविबरोबर असल्याने अर्थवच्या पित्याला हानिकारक आहे (दशेपुरते मर्यादीत).

अर्थवच्या कुंडलीत नवमस्थानातील वृषभ राशीतील रोहिणी (३) चरणातील वक्री शनी गोचरी भ्रमणात तृतीयस्थानात वक्री असून तो कन्या राशीत उत्तर-फ़ा. नक्षत्राच्या (३) चरणात आहे. त्याच्या सप्तमात गुरु व हर्षल हे ग्रह आहेत. त्यामुळे जातकाला गुरुचा धक्का बसण्याची दाट शक्यता आहे.

अर्थवचा जन्मलग्न च्यावेळी पुर्व क्षितीज्यावर कन्या लग्न उदित होते. कन्या ही द्विस्वभाव व पृथ्वीराशी लग्नी उदित आहे. असा जातक शांत सकोच वृत्तीचा विनयी व आतल्यागाटीचा असतो. कन्या लग्नाचे लोंक कोणातेही काम दूरवर विचार केल्या खेरीज हाती घेत नाही. अर्थवचे अत:करण दयाळु व प्रेमळ आहे. परंतु दुस-याच्या भाडगडीत पडण्याची त्याची इच्छा होणार नाही. व्यवहारात कसे वागावे हे ह्या जातकाला चांगले कळते. व त्याचा खरा स्वभाव कोणालाही समजणार नाही. अर्थवची बुद्धी तीव्र असुन कोणतेही गोष्ट याला लवकर समजते.

अर्थवाचे मन अभ्यासू वृत्तीचे आहे. शास्त्रीय विषय व वाड्‌.मय यात बुध्दी चालते. कल्पना व तर्क चांगला आहे. योजकपणा व बारकाई, मतलबीपणा व अतिषय लोभ हे ह्या जातकाचे मोठे दुर्गुण आहेत.

स्वत:ची खात्री झाल्याशिवाय अर्थव कोणात्याही गोष्टीवर विश्वास ठेवत नाही. निरिक्षण व चिकित्साबुध्दी चांगली आहे. व्यवहार दक्षता व पध्दतशीरपणा हे मोठे सदगुण अर्थवमध्ये दिसून येतील. किरकोळ कामे सुध्दा अर्थव पध्दशिरपणे करणार. कधी कधी कारण नसताना मानसिक त्रास करुन घेईल. व कारण नसताना तो आपले मत बदलेल. आत्मविश्वास कमी व स्वत:च्या सामर्थ्याबद्दल साशंकपणा आहे.

संकटाच्या वेळी ह्याचे धर्य डळमळुन तो घाबरुन जाईल. हा निराशावादी आहे. योग्य पुढाराच्या नेतृत्वाखाली अर्थव उत्तम प्रकारे काम करू शकतो. सेवावृत्ती हा त्याचा मुख्य धर्म आहे.

लिहण्यासारखे बरेच काही आहे. परंतु सौभाग्यवतीने येथेच पुर्णविराम करण्याची आज्ञा दिल्याने आम्ही येथेच पुर्णविराम करत आहोत. अर्थवला सर्व ग्रह-नक्षत्राची शुभ फ़ले लाभोत ही श्री व स्वामी चरणी प्रार्थना.
शुभं-भवतु.
स्वामी भक्त.

तळटिप:- हा विधि करण्याअगोदर महामृत्युंजय जप तसेच नवग्रह शांती करावी.

बुधवार, १९ मे, २०१०

BREAST CANCER स्थनाचा कर्क रोग K.P. HOROSCOPE


॥श्री॥

सर्वसामान्य माणूस “कर्करोग” CANCER या आजाराच्या नावालाच खूप घाबरतो. त्यात पुन्हा एखादी व्यक्ति जर भावानशील, संवेदनाक्षम असेल तर विचारूच नका !. ब्रेस्ट कर्करोग हा विषय तसा खास स्त्रियांचाच.
आपल्या सर्वांना माहीत आहेच की मानवी शरीर हे असंख पेशींनी तयार झालेले आहे. ह्या पेशींची वाढ व झीज होणे सतत ( आयुष्यभर ) चालूच असते. जेव्हा पेशींच्या वाढीचा ( Growth rate ) निर्मितीचा वेग प्रामाणापेक्षा जास्त होतो, तेव्हा शरीरात “गाठ“ निर्माण होते. ह्या गाठीचे पुन्हा दोन प्रकार आहेत. Malignant Grouth असलेल्या गाठी. ह्या शरीरभर कोठेही पसरून जीवाला घातक ठरु शकतात. तर Non malignant growth असलेल्या गाठी ठराविक अवयवापुरत्याच मर्यादित असतात व ह्या गाठी फ़ारशा घातक नसल्याने त्या शस्त्रक्रियेने यशस्वीपणे काढल्या जातात.

स्त्री यांमध्ये असा एक समज आहे की Breast banber is the best bonder परंतु हाही एक गैरसमजच आहे. कारण कोणत्याही कर्करोगाचे जर त्याच्या प्राथमिक अवस्थ्येत निदान झाले तरच! कारण कर्करोग एक असे वैशिष्ट्य दिसून आले आहे की, अगदी सुक्षलवातीच्या प्राथमिक अवस्थेत कोणतीही लक्षणे दृष्टोत्पत्तीस येत नाहीत किंवा कोणतीही वेदना जाणवत नाही, त्यामुळे साहजिकच त्याच्याकडे दुर्लक्ष केले जाते व जेव्हा लक्षात येते तेव्हा बर्यानच वेळेस परिस्थिती आटोक्याबाहेर गेलेली असते.

फ़लज्योतिषशास्त्राच्या दृष्टीने आरोग्यचा विचार केला तर आत्माकारक रवि व मनाचा कारक चंद्र, लग्न बिंदू व लग्नातील ग्रह हे खूपच महत्वाचे आहेत. लग्नावरुन आपण जातकाचा शरीराबांध, नैसर्गिक जीवनशक्ति, रोग प्रतिकारक शक्ति, प्रकृतीर्धम, स्वभावगुण इत्यादींचा विचार करु शकतो. जन्म कुंडलीतील लग्नातील षष्ठातील ग्रह, लग्नातील व षष्ठातील राशि व त्यांचे इतर ग्रहांशी होणाया योगानुसार जातकाचे आरोग्य कसे राहणार आहे ते कळते. कुंडलीतील ’षष्ठ” स्थान हे रोगारिपुदर्शक स्थान आहे. ह्या स्थानात क्रुर ग्रह किंवा कोणताही ग्रह शत्रूराशीत असेल किंवा अशुभ ग्रहांच्या दृष्टीत असेल तर त्या राशीने दर्शविलेल्या शरीरातील भागावर परिणाम करतात व त्या त्या ग्रहाने निर्माण होणारे आजार होऊ शकतात. “अष्टम” स्थान मृत्यूस्थान आहे. जातकाचा मृत्यू कोणत्या आजाराने, तो आजार अल्पमुदतीचा आहे की दीर्घ ( रेंगाळणारा ) मुदतीचा असेल ते सांगता येते. कुंडलीतील २२ वा द्रेष्काण मृत्यूने निदान दर्शवितो. १२ वे स्थान “व्यय” स्थान असून त्यावरुन सर्व प्रकारचा व्यय ( तन – मन – धन ) हानी – नुकसान दर्शविले जाते.

लग्नातील पुरुष राशी ( विषम राशी ) ही धनविद्युतकारक असते तर समराशे ऋणविद्युतकारक असते. विषम राशी बलवान तर समराशी दुर्बल असतात.

दिनांक १८ मे २०१० रोजी माझ्या कडे एक व्यक्ति आपल्या पत्नीच्या आजारा संबधी विचारणा करण्यास आली. माझ्या गुरुवर्य श्री. मा. पंतानी ( धोडोपंत आपटे ) प्रश्नाच्या वेळी शुभ व अशुभ शकुन सांगितल्या प्रामाणे मी प्रथम प्रश्नाच्या वेळीचा शुभ व अशुभ संकेत पाळला. तसेच काल मी पुण्याला श्री सुहास डोंगरे ह्याच्या कडे भेटण्यास गेलो होतो तेव्हा त्यांनी प्रथमच संपादित “ग्रहबोली” चा अंक भेट म्हणून वाचण्यास दिला होता.

संध्याकाळ असल्याने सहजच तो वाचण्यस घेतला व सौ. कुंदा वसंत महाजन यांचा लेख वाचत असताना जातक माझ्या कडे प्रश्न विचारण्यास आले. प्रश्न त्याच्या सौभाग्य व्यक्तिच्या आजारपणाचा होता. जातकानी त्याच्या गृहलक्ष्मीची कुंडली आणली नव्हती किंवा त्यांना तीची जन्म तारीख व वेळ आठवत नव्हती. त्यामुळे कृष्णमूर्ति पध्दतीने ही पत्रिका सोडवण्यास घेतली.

प्रश्न ता. १८/०५/२०१० कृष्णमूर्ति प्रश्न क्रंमाक ३८ वेळ १९:०३:३७ स्थळ विरार.


लग्न स्वामी शुक्र, लग्न नक्षत्र स्वामी मंगळ, राशी स्वामी चंद्र, दिन स्वामी मंगळ, राशी नक्षत्र स्वामी गुरु,प्रश्न कुंडलीत जातकाचे प्रश्न लग्न वृषभ आहे व वृषभेचा शुक्र लग्न स्वामी म्हणुन के.पी लग्नात द्वितीय स्थानात आहे. तसेच तो प्रथन भावात वृषभ व मिथुन आहे. त्यावेळीच्या लग्न वृश्चिक असून त्या लग्नात शुक्र अष्टमात आहे. अष्टमस्थानातील शुक्र हा आयुष्यभर असणा-या रोगा बद्दल सूचना करतो. ज्याच्या अष्टमात शुक्र आहे त्यांनी आपल्या आरोग्या बद्दल फ़ार काळजी घावी अशी माझी वैयक्तिक सूचना आहे.
(उदा.मधुमेह, कर्करोग, किंवा एखाद्या असाध्य आजार जो शेवट पर्यंत आपली साथ करतो तो. )

माझ्या मनात पाल चुकचुकली आणि मी जातकाला त्याच्या पत्निला एखाद्या मोठा आजार झाला का? किंवा एखाद्या महत्वाच्या आजारा विषयी शस्त्रक्रिया आहे का म्हणून आपण माझ्या कडे आला आहात का म्हणून प्रति प्रश्न केला. आणि विषयाला सुरुवात झाली, वाचनात आलेली माहिती तसेच मी जातकाच्या भविष्य वर्तवताना केलेल्या चुका शोधन्यासाठी हा लेख मी येथे देत आहे. मार्गदर्शन करतना जर का चुक झाली असेल तर कृपया कळवावे. मी जातकाला चार पाच दिवसानी बोलविले आहे.

“ स्थनाचा कर्क रोग BREAST CANCER “

कुंडलीतील चतुर्थ स्थानावरुन आपण स्तनांचा अभ्यास करणा आहोत हे वाक्य वाचत असताना जातकाचा प्रवेश झाला.

चतुर्थस्थानातील राशीस्वामी म्हणजेच चतुर्थेश व दूध येण्याच्या क्रियेवर अंमल असणार ग्रह चंद्र हे महत्वाचे ठरतात. चंद्र हा वृषभ राशीत ०३ अंशावर परमोच्च असतो व वृश्चिक ०३ अंशावर परमनीच होतो. कुंडलीत रोगाचे विश्लेषण करताना ६, ८, १२ ह्या तीन स्थानाबरोबर ११ वे स्थान ( षष्ठाचे षष्ठ ) व तुतीय स्थान ( अष्टमाचे अष्टम ) ह्या नाशक स्थानांचा विचार करणे जरुरेचे आहे. तसेच रवि कुंडलीचाही अभ्यास फ़ायदेशीर ठरतो.

शनि मंगळ राहूबरोबर त्रिक स्थानांचे अधिपती (Malgnant) कर्करोगाच्या वाढीला जबाबदार आहेत. तसेच वृध्दिचा कारक गुरु पण ह्यांना मदत करतोच. कर्केचा गुरु हा जर अशुभ स्थानी, अशुभ ग्रह योगात असला तर गाठीची वाढ होते.

शनि हा नैसर्गिक पापग्रह असून तो विलंबी रेंगाळणारे आजार देतो. जितका शनि अनिष्ठ असतो, तितके दु:ख जास्त असते. अडथळे आणणारा व गुप्तता पाळणारा ग्रह असल्याने रोगाचे प्राथमिक अवस्थेत निदान होऊ शकत नाही. तो हा शनि षष्ठाचा गौण कारक व अष्टम व्ययाचा कारक ग्रह आहे.

मंगळ हा रक्ताचा, मांसाचा कारक असून पत्रिकेत ज्या राशीवर, स्थानावर शनि, मंगळाच्या दृष्टीचा एकत्रिक परिणाम होतो. त्या ग्रह भाव निर्देशित अवयवावर अशा प्रकारचा विकार होण्याची शक्यता असते. चंद्र हा स्तनांचा कारक ग्रह व वृध्दिचा कारक गुरु हा जर अशुभ स्थितीत अशुभ ग्रंहाच्या स्वामीबरोबर असेल तर गाठीची वाढ होते. ( स्त्रीयाच्या पत्रिकेत केंद्रस्थानात चंद्र असल्यास त्याचे स्थन सुंदर असतात. )

राहू हा तर सर्व प्रकारच्या घातक आजारांचा कारक आहे. जेव्हा तो पापग्रहांच्या युतीत किंवा त्रिक स्थानेशांच्या युतीत असतो तेव्हा तो खुप खतरनाक ठरतो.

चंद्र, बुध, शुक्र ह्यापैकी कोणताही एक ग्रह दूषित असता किंवा गुरु दूषित असता व चारही शुभ ग्रहांशी राहू संबधित असल्यास किंवा चारही अशुभ योग होत असल्यास कफ़, खोकला होऊन स्तनांचा कर्करोग होतो.

प्रश्न कुंडलीत प्रश्न समयी राशी स्वामी चंद्र हा रुलिंग मध्ये आहे. कर्क राशीमध्ये चंद्र असेल तर आरोग्य उत्तम असते. कर्क चंद्राच्या स्त्रीया निरोगी, आकर्षक असतात. चंद्र स्वगृही असतो. कर्क राशीत चंद्र क्षीण बळी नसेल तर अशी स्त्री सुदृढ असते. तिचे वक्ष:स्थळ उन्नत असते. ह्या स्त्रीया नेहमी वयापेक्षा लहान दिसतात. परंतु कर्केच्या चंद्रावर मंगळ शनि रवि यांची अशुभ दृष्टी किंवा युती असेल तर पचनक्रिया व अपचनासंबधी तक्रारी असतात. पण प्रश्न कुंडलीत चंद्र कर्कराशीत मंगळा बरोबर बसला आहे. वरील दिल्या प्रमाणे मंगळ हा ग्रह रक्ताचा मासाचा कारक आहे.

आरोग्य सुधारणा साठी मी प्रथम षष्ठ स्थान बघितले त्यात्य तुळारास होती तुळा राशीचा शुक्र LSRD मध्ये कार्यरत होता तुळेचा शुक्र हा पंचमात किंवा लाभात, महादशेत, अंतर्दशेत आणि विदेशा कार्यरत नव्हता म्हणजे आरोग्य सुधारण्याचे संकेत नाहीत.

चंद्र बुध शुक्र यापैकी कोणताही एक ग्रह दूषित असला किंवा गुरु दूषित असला व या चारही शुभ ग्रंहाशी संबंधित राहू असला किंवा चारही अशुभ योग होत असता कफ़, खोकला होऊन स्तनाचा कर्करोग होतो हा अंदाज सहसा चुकणार नाही.

त्याच प्रमाणे जातकाच्या प्रश्न कुंडलीत LSRD मधिल चंद्र हा ग्रह मंगळाच्या सानिध्यात आहे. म्हणजे निश्चित जातकास वरिल पैकी एका रोगाचा त्रास होणार हे निश्चित आहे.

कर्क राशीतील मंगळ हा आश्लेषा नक्षत्रात (३) चरणात आहे. त्यामुळे स्तनाच्या विषयी रोगाकडे लक्षवेधत आहे. जल राशीत अग्नि ग्रह म्हणजे काहीतरी निश्चित निर्देशित करणार त्या प्रमाणे जातकाच्या पत्नी ला स्तन: कर्करोग झाला व तो प्राथमिक अवस्थेत आहे. व त्याचे वैद्यकीय उपचार सध्या सुरु आहेत. जातक चत्मकारीक रित्या चमकले कारण त्याला ही अपेक्षा माझ्या जवळून नव्हती.

LSRD मध्ये जातकाला गुरुची विशोत्तती दशा सुरु होती, अंतर्दशा राहुची सुरु आहे. गुरु राहू हा एक विचित्र योग आहे. प्रश्न कुंडलीत गुरु हा मीन राशीत पू.भाद्रपदा (४) चरणा मध्ये हर्षल बरोबर आहे. तो पंचमात पाहात आहे, पंचमात शनि विराज मान आहे, पंचमातील शनिच्या राशी नवमात व दशमात आहे. जाकाची गुरुची दशा २२ मे रोजी संपत आहे. नतंर शनिची दशा सुरु होत आहे. शनिच्या दशेत जातकास योग्य उपचार मिळतील त्याच वेळी एखादी शस्त्र क्रिया होऊन जातक काय स्वरुपी बरा होणार या आशेवर पुन्हा आपल्या संसारात रममान होईल पण शनि विलबंकारक तो थोडाच स्वत बसणार आहे तो आपला इंगा दाखवणारच.

मंगळवार, ४ मे, २०१०

श्री वि. श्री. देशिंगकर, जन्म :- गोकुळ अष्टमी, जन्मतारीख ०६/०९/१९२० जन्मवेळ रात्री ०९.३० वाजता जन्मस्थळ सप्तसावर ( बेळगाव ).

श्री वि.श्री.देशिंगकर हे माझे ज्योतिषशास्त्रातील पुस्तुकी गुरु, मेष लग्नात केतू मुळे लाहन पणी पहिल्यादा माधुरी मागितली, याच केतूनी त्यांना उत्तर आयुष्यात उर्जितावस्था दिली, मिरज संस्थानचे कारभारी, फलज्योतिशी, विठ्ल मंदिर बाधले, सामाजिक कार्य केले.



चंद्र राशी-मिथुन, तिथी कृष्ण-९, नक्षत्र-मृग(३), योग-सिध्दि, करण्-तैतिल, वार-सोमवार,

ग्रहांचे अंशः- रवि-सिंह २०.५८.३०, चंद्र-मिथुन- ०२.२७.३६, मंगळ-वृश्चिक- ०८.२४.३०,

बुध-सिंह-१८.४३.१२, गुरु-सिंह-०९.३०.५१, शुक्र-कन्या-०८.४१.३६, शनि-सिंह-२२.०५.३०,

राहू-तुळ-१६.२४.२८, केतु-मेष-१६.२४.२८, हर्षल(व)-कुंभ-१०.३१.३२, नेप्-कर्क-१९.४३.४३.


1. लग्नि केतू मुळे जातकाचा जन्म बहुदा नवसाने किंवा गुरु-प्रसादाने जन्म झालेला अहे.

2. लग्नि केतू मुळे ज्योतिषविद्या साध्य झाली.

3. तृतिय स्थानातील चंद्र मुळे कलाकौशल्याची लेखनाची आवड निर्माण झाली. तृतीय स्थान मनाचे कारकस्थान आहे तसेच पंचमाचे खालोखाल हे तृतीय स्थान विद्येचे आहे त्यामुळे त्याच्या हातून ज्योतिषशास्त्राचे लिखाण झाले. तृतीय स्थानाचा अधिपती बुध पंचमात विराजमान आहे म्हणून बुध्दिपूर्वक लेखन हातूनघडणारच.

4. जन्मता विंशोत्तरी मंगळाची दशा भोग्यदशा मंगळ०२ वर्ष, ०२ महिने, १५ दिवस, त्यांनतर ती २२/११/२९२२ पर्यंत होती. पुढे राहुची महादशा २२/११/१९२२ ते २२/११/१९४० पर्यंत जिवन हालाकीचे गेले. नंतर खर्‍या अर्थाने जिवनाला सुरुवात झाली ती म्हणजे गुरुच्या दशेत २२/११/१९४० ते २२/११/१९५६ पर्यंत बुध, केतु च्या अंतरदशेत त्यांना चंद्र मुळे पुष्कळ प्रवास करावा लागला आहे. त्या प्रवासात त्यांनी आपल्या कीर्तीला सुरुवात केली ह्याकाळात त्यांनी खर्‍या अर्थानि आपल्या बुध्दिला चौकस पणादिला नाना विषयची वाचन, अनेक विषयाची माहीती, विद्येचा व्यासंग चंद्रा मुळे त्याच्या जिवन कालचक्रात घडली आहे.


5. मिथुनराशी च्या चंद्रामुळे भावंडाचे सुख व त्यांना मोठे करण्याची जबाबदारी आली.

6. तृतीय स्थानातील चंद्रमुळे त्यांना अनेक नोकर्‍या कराव्या लागल्या. कायम स्वरुपी एकाच ठिकाणी त्याचे वास्तव्य नव्हते.

7. अष्टमस्थानातील वृश्चिकेचा अनुराधा नक्षत्रातील मंगळ फार चांगली फले जातकाल दिली आहेत. वाचन, गूढविद्या आणि आध्यात्माचा नाद ह्या नक्षत्रा मुळे लागला आहे.

8. सामान्य स्थिती, बालपण गरिबीत गेले. शिक्षण- मराठीत त्यात राहूच्या दशेमुळे राजश्रित होऊन जीवन जगले. त्याच ठिकाणी खाजगी कारभार निष्णात वकिला प्रमाणे केला. राजेसाहेबांनी कामगिरीचे पारितोषिक म्हणून जमिन-जुमला, घरदार व पेशन वगैरे दिली. हे सर्व वयाच्या ५० वर्षात केतूच्या दशेत मिळाले. पंचमस्थानातील रवी, शनी, गुरु, बुध या चार ग्रहा योगांमुळे त्याणा हे सर्व प्राप्त झाले आहे.

गुरु सेवक संजीव