रविवार, १५ ऑगस्ट, २०१०

मेष लग्न कर्जबाजारी पणा

१. मेष लग्न असेल तर दशमभावाचा स्वामी शनि जर षष्ठात, अष्टमात किंवा द्वादशात असेल तर जातक कुठल्याही प्रकारे मेहनत करत असेल तरी तो कर्जबाजारी बनतो.

२. मेष लग्न व लग्नेश मंगळ षष्ठात, अष्ठमात, द्वादश स्थानामध्ये असेल किंवा तुळेचा मंगळ केंद्रस्थानामध्ये असेल तर जातक, व्यपारात फार मोठे नुकसान होऊन कर्जबाजारी होतो.

३. मेष लग्न व लाभेश शनी जर षष्ठत, अष्ठमात, द्वादश स्थानात असेल तर तो जातक काही वर्षासाठी कर्जबाजारी होतो.

४. मेष लग्न केंद्र स्थानाला सोडून चंद्र गुरुपासून षष्ठात, अष्टमात किंवा द्वादश स्थानामध्ये असेल तर संकष्ट योग बनतो त्या कारणाने त्या व्यक्तिला सदैव धनाचा अभाव असतो.

५. मेष लग्नामध्ये धनेश शुक्र अस्त असेल व नीच राशीत किंवा धनस्थान व अष्टम स्थानात कुठलाही पापग्रह असेल तर जातक सदैव कर्जबाजारी राहते, कर्ज शेवटपर्यंत असते.

६. मेष लग्न लाभेश शनि षष्ठात, अष्टमात, द्वादश स्थानात बसला असेल किंवा धनेश अस्त झाला असेल किंवा पापपीडित असेल तर अशी व्यक्ति कर्जाच्या कारणाने महा दरिद्री होते.

७. मेष लग्नामधे अष्टमेश मंगळ शत्रुक्षेत्री नीच राशीत किंवा अस्त असेल तर अचानक धनहानी झाल्याने जातक कर्जबाजारी बनतो.

८. मेष लग्नामध्ये अष्टमेश मंगळ वक्रि होऊन बसला असेल तर किंवा अष्टम स्थानात कुठलाही ग्रह वक्रि होऊन वसला तर कोणत्याही कारणाने अकस्मात धनहानी होते.

अधिक माहिती साठी संपर्क साधा
संजीव

६ टिप्पण्या:

महेंद्र म्हणाले...

तुमचे भविषय एकदम चूकिचे आहे. नुसते लग्न पाहून कसे काय तुम्ही भविष्य सांगु शकता?
मेष लग्नाला लग्नेश जर अष्टमात असेल तर कर्जबाजारी होतो असे तुमचे म्हणणे पुर्ण चुक आहे. माझ्या पत्रीकेत तोच योग आहे पण अजूनही म्हणजे पन्नास वर्ष झाली तरीही कर्जबाजारी झालेलो नाही, तुमच्या भविष्या प्रमाणे!
असो..
माझ्या पत्रिकेत शुक्र बुध निच भंग योग करतात तरीही कर्जबाजारी नाही मी..
कृपया असे ठोकताळे लिहून लोकांना घावरवून टाकु नका.

वास्तुशास्त्र आणि ज्योतिषशास्त्र मार्गदर्शन शिकवणी वर्ग म्हणाले...

महेंद्रजी नमस्कार
धन्यवाद. तुम्हाला लिहिलेलं आवडतं, आवर्जुन कॉमेंट दिलयाबद्दल आभार.
कृपया जन्मतारीख वेळ व जन्म ठिकाण दिल्या उत्तम
बघतो माझे कुठेचुकले ते?

आपला संजीव

महेंद्र म्हणाले...

माझी पत्रीका अशी आहे. मेष लग्न, चंद्र वृषभेचा, मिथुन मंगळ पराक्रमात, सुख स्थान रिकामे, पंचमात रवी आणि राहू, शष्ठात शुक्र बुध - निचभंग योगात, सप्तमात काही नाही, अष्टमात काही नाही, भाग्यात गुरु आणि शनी .दशमात काही नाही, एकादशात केतू, आणि व्ययस्थान रिकामे.

नुकतीच साडेसाती आटोपली शनीची. मला अतीशय उत्तम गेला तो काळ. तसेच राहूची महादशा पण फारच छान गेली. गुरु महादशा तर उत्त्तमच गेली कारण भाग्येश गुरु आहे म्हणुन. वेळ आणि तारीख लवकरच कळवतो तुम्हाला अभ्यासासाठी. सध्या आठवत नाही.
पण एक आहे, चर राशी केंद्रात ( १,४,७.१०,) आणि केंद्र स्थान रिकामे अशी पत्रिका आहे माझी.

essbeev म्हणाले...

या फलादेशाच्या निर्णयात दशांचा विचार करावा लागत नाही काय ??

महेंद्र म्हणाले...

आणि हो.. जन्म आहे रोहिणी नक्षत्र दूसरे चरण. १२ सप्टेंबर १९६० रात्री बहुतेक साडेआठची वेळ असावी.. नक्की आठवत नाही.

महेंद्र म्हणाले...

नक्की वेळ ८-२९ रात्री.